Ko si akate? – WIR SIND HIER!

„AMEN SIYEM AKATE!“, si e titula e panj bershune transnacionalune edukipaske programesko mamuy anticiganizmo kotar RomaTrial e.V.. Numay ko siyem „amen“ palo sah?

Amaro proyekti mangela te kreirinel yekh nevo halovipe „amen“. Sar o sebepi e eksperiencengo e anticiganizmea, buderi Roma* thay Sinti* ani Germania janena si so te ove ulavdo kotar „amen“. Buderi garavena poro identitety, na shungyona sigurune ano amalipe, ano skola thay buti. Akaleske musay te qhivgyol agor!

Estera

Me garavava e romen thay lava kotor ko verver anti diskriminaciake proyektya. Mangava te inkurainav yaver romane ternen te pashon.

Estera

Peertrainer in Berlin

David

Avdive o Roma pandar si diskriminime kotar o amalipe thay olako sistemi, ini soske jivdina ani demokrativuni rashtra.

David

Peertrainer in Berlin

Elisa

Politikako evolviripe thay edukipe e terne manushengo si mahatno vash amnge, odoleske me adikarava siklipe vash ksenofobia thay anticiganizmo. Pakyava kay shay may shukar te biqhalav mere mesajya prekal arti thay kultura, so si o sebepi soske performinava teatro ani grupa "WIR SIND HIER!" – “AKATE SIYEM”.

Elisa

Peertrainer in Berlin

Naomi

Khelava ko Forum Teatro thay siyum kotor e proyektengo phanglo e romenca.

Naomi

Peertrainer in Berlin

Wortwolke

Antiziganism is a form of racism that opposes Roma *, Sinti *, Kale *, Kalderasch *, Lovara *, Lalleri *, Ursari *, Beasch *, Manouches *, Ashkali *, Aurari *, Romanichals *, Droma *, Doma *, Gypsies *, Travelers * and other people who are stigmatized with the "Z-Word".

Ali

Siyum bahtalo kay siyum kotor e WIR SIND HIER! / AMEN SIYEM AKATE! Sar e bershestar 2022. O proyekti dela shaipe te zorakerel e terne Sinti* thay Roma*, te vazdel phikodeipaski rafin thay te kerel o anticiganizmo dikhlo. Sar socialuno dbutikerno thay phiravno, mangava sine te phikoinav terne manushen pe sensi e partisan akceptipasko pe olenge jivdipasko keripe, sar vi pe olengi percepcia vash olengo politikuno efektiviteti. Prekal akava proyekti amen manga te khuva nko komuniteti thay te kera tikne kotorleipaske oferte vash kotorleipe. Desara kava, manga te kera may interesime e profesionisten thay terne manushen pe diversuni historia e Sinti* thay Romengo*, te sensibilizina olen vash anticoganizmo, thay te dekonstruktina o stereotipya. Pe konteksti e akala bukyako, me kritikipea ka reflektinav pe miri rola sar gadjo thay jeno e mazhurantune amalipasko thay na numay te shunav o perspektive kotar o Sinti* thay Roma*, numay aktivipea te anavolen pe sah umala e butyako.

Alexander „Ali“ Rönisch

Proyekt menajeri

Veronika

Vash mange, WIR SIND HIER!/AMEN SIYEM AKATE! Kergya o suno te ovel qaqipe: Programi kova kerla shayutno lugyardi buti vash panj bersha sila baro potenciali – simen shaipe te amalina terne manushen vash panj bersha thay te zorakera olen pe olengo evolviripe pe aktivune, kritikune thay kreativune jene e civilune amaliasko vash panj bersha. Shay te vazda luge-vahtuno paetneriteti buderi skolenca thay ternenge institucienca thay te azhutina te da forma edukaciaki buti pe temeli vash lugo vahti. Desar sah akava, shay te formirina zoralo ledeipe truyale sah rashtra, te reflektina khetane pe edukipaski buti mamuy anticiganizmo ani Germania thay te konsiderina so musay te yaveringyol vash kay o Roma* thay Sinti* pe agor te dikhen o yekhipe thay hakayipe, thay na numay pe umal e edukipasko. Sebepestar kay edukipe mamuy anticiganizmo si lajakerdo deficit e edukipaske sistemesko – numay shukaripaske AMEN SIYEM AKATE, thay ka siguringyova kay akava agoripe ka yaveringyol.

Veronika Patočková

Skenciako ko-phiravno

Hamze

Kana shrdingyum te kerav buti vash som hakaya vash Roma* thay Sinti* anglo disave dekade – ose ini Sakana qhavoro – sinema bari mangin vash yekh proyekti sar si AMEN SIYEM AKATE! – proyekti kova, sar e shrdipestar, lela angali intersekcialune perspektive thay korkoro-zorakeripe, thay odova kerla than kote o manusha shay te bayron khetane, inspirinen yekhe yavere, thay te keren buti khetane pe vizia e hakayune thay solidarune amalipasko. Thay kote pe ayni vaht kreiringyola than te khuvelpe pe ledeipe e na-romenca* thay te komunikina amare perspektive – na numay odoya e ushkavde thay diskriminime, numay vi odoya e manushengo kola kerna maripe thay na aqhona.

Hamze Bytyçi

Proyektesko iniciatori thay sheruno e asociaciako.

Merle

Mo anav si Merle thay siyum tumaro kontakt personi vash uorkshopya thay treningya. Maydur, siyum aktivuni ko verver umala e proyektesko "Amen siyme akate! Ko amare uorkshopya, som bershune trenerya dena yaver terne manushenge dikhipe pe olengi eksperienca e anticiganizmoa – thay olengo maripe mamuy leste. Si mahatno vash mange te ashutinal akava pharipe. Siyum bahtali vash te ashutinav te kreirinav jivdipaske thana kote o amalipe thay pashipe lela than ko personal niveli. Akalea shay siklova kay o racizmo si problemi kole arakhlova savore!

Merle Weißbach

Koordinipe e edukaciake ofertengo, koordinipe e ternenga grupako Brandenburg

Andreas

Me siyum godorno vash buderi kreativune thay teknikune puqipya ano AMEN SIYEM AKATE. Shay vash uebqham, socialune emdie, online stream, podcast, audio ose video rekordipe avri ose ano studio, evlviripe e konceptesko thay koordinipe vash online thay printime formatya. Pe sah akava, mangava kay o terne manusha te ulaven olenge konfidentune avazya thay olenge buderi narativya, te keren olengi politikuni thay socialuni thavd. E esenca e proyekteski AMEN SIYEM AKATE si kay o som bershune terne * kreirinen realuno pashipe ko akyengo niveli thay te oven sar misal vash amalipe sar totali.

Andreas Fertig

Manajmenti vash online media, print

Amen siyem diveritetuni grupa ...

… koya ulavela yekh sheruno res: Kote „amen“ na si puqipe e originako, mortyake koloresko ose seksualune identitetesko! Ani lumia kote o diversiteti dikhyola talo akya thay kote e disavantazha si kotor e historiako.

Amen siyem yekh ekipa ...

… kotar RomaTrial e.V., transkulturaluni korkori-organizacia e Romengi * thay na romengi *. Sar e bershestar 2021, margyempe mamuy Anticiganizmo thasy vash neve thana ano amilipe vash te buhlara o avazo e romengo * thay sintengo *.

Thay palo sah ...

… amen siyem terne dedikime roma * thay sinti * kotar o Berlini, Brandenburg thay Saksonia kola si trenirime sar terne trenerya mamuy anticiganizmo sar kotor e proyektesko. Amen siyem butrigune butikerne kola kerna buti ani *ekstra) skolaki edukacia. Amen adresina e ternen ko anticiganizmo thay yaver (ose maybuhle, desar o yaver na avla duy ver) forme e diskriminaciako. Amen kera o bidikhlo dikhlo, kontrina e yaveren vash akava thay klamina amaro than ano amalipe, amare hakaya thay amaro tromalipe.

Amaro mesazhi si: „Amen siyem akate!“

Educational programme against antiziganism

Amen ana buderi praktikuno thay teoretikuno janipe kole manga te ulava. Amen siyem kuriozune vash tumenge, tumari eksperienca thay tumaro janipe. Ulaven amenca!

Ko siyan tu?

Terno manush kova mangela te penjarel e yaveren kola si aktivune (mamuy) diskriminipe e romengo* thay sintengo*?
Jeno e roagzanciako ose aktivisti ano umal e anti-racistuna edukaciako thay siyan interesimo pe ulavipe e janipasko?
Stafesko jeno e skolako ose ternenga organziaciako ko mangla sine te lel maybut treningo ano umal e anticiganizmesko?

Odoya ver konatktin amende! Vash puqipya thay mangipya, kontaktinen amende ko post@wer-ist-hier.de