Andar o programi WIR SIND HIER! Amen ofetina verver formatya vash ververutne target grupe. Shay te arakhen maybut informacie ko respektivune sub-sekcie.
Peer treningya
Andar o proyekti “WIR SIND HIER! – Edukativuno Programi mamuy Anticiganizmo” amen manga te promovina, mashkar yaver, vazdipe e godinipasko ko terbe vash anticiganizmo. Mayshukar drom te kera akav si prekal direkt kontakti e Romenca* thay Sintenca* kola shay te oven sar rol modelya. Akale resipea, terne manusha kotar o komunitetya si trenirime sar trenerya vash yekh bersh. Pali treningengi faza, on shay ofertinena uorkshopya ano shkole, ternenge centre thay rekreacipaske thana.
So qaqipea mangla te phene o pratsav peer-to-peer? Terne manusha si sikave thay siklovne ko som vahti; na si didaktika tele-upre ani niyekh thavd. Khetane thay pe som bajako, o kotorleyutne reflektinena pe olengo mayanglo janipe, dikhena ole kritikipea thay lena nevo janipe – So mangla te phenel te jivdine sar rom ose romni ano amaro amalipe? So pe fakti, “amaro amalipe” mangla te phenel? Thay ko si “amen” palo sah, ko perla thay ko na?
Amen shay te ova fleksibilune e peer treningenca kolen ofertina. On shay te adikergyon pe than ose online. Shunentumen tromale te kontaktinenmen vash informacie! Tumaro kontakt manush si Merle Weißbach. Khetane shay ka arakha o formati kova pashola tumenge.
Treningo vash multiplerya
Siyan mi sikavno? Studenti sikavno? multipleri?, socialuno butikerno? Ose numay interesimo vash maybuhlo treningo ano umal e anticiganizmesko? Rodena oferta koya dela bazikuno janipe ani tema thay kerela shaipe e sensitizacia thay refleksia? AMEN SIYEM AKATE!
Amen dikha urgentuno mangipe te pashova tumenca: Ani skole ani Germania, o teme e anticiganizmesko, sar vi e historia thay prezeti e romengo* thay sintengo* phare kay qalavgyona. Akava si sar o sebepi kay ni pe sikavnenge treningya, ni pe skolake tekstya nashti arakhlola but informacia vash akala teme. O termi anticiganizmo lepargyola ko numay 7 kotar total 103 skolake pustika kola leparna sinti* thay roma* sar si pe rodlaripe “Skolake pustika thay Anticiganizmo” kotar Georg Eckert Instituti vash Mashkarthemutne Skolake Pustikengo Rodlaripe pe 2020. Phanglo e kurikula, koya buderipea sila influenca pe andripe e skolake tekstengo, e situacia dikhyola pandar may dramatikuni: Anticiganizmo na lepargyola eksplicitipea sar sikavipaski tema pe niyekh kotar total 197 kurikule kotar 16 Germaniake rashtre kote kerdilo rodlaripe.
Nays amare ekspert janipasko thay bershenga eksperiencako ano umal e anticiganizmesko – ekritikaluni edukipaski buti, amen shay te yaverina akaya situacia! Amen da treningya kola si kerde vash tumare interesya thay mangipya. Ruyjinatumen konatktinen amen direktipea: tumaro kontakt personi si Merle Weißbach.
Vahti: 3 – 6 ore
Gendo e kotorleyutnengo: 7-15