Amari Berlineski ternengi grupa „AMEN SIYEM AKATE!“ festinde thay phikoinde sah soa shay o Mashkarthemutno Romengo Dive* Dive pe April 8 prekal moderipe, parada thay teatro.
Gatisaripasko vahti sine harno, soske shrdingyem numay pe Aprili 5. Thay akava ulo palo intervyu ko radioeins! RBB sikavdo live kotar Bikini Berlin. Estera, Davis thay Ali sine odote thay vakergyem vash amare uorkshopya, rol modelya, teatro thay but yaver teme.
Akava bersh ROMADAY putergya e vernisazha kotar e ekspozita „Pandar Pakiv ano Jenneti?“ ano ACUD MACHT NEU, kote lugyardilo ani som rat e performansa „Neve Bisterde Tehnologie“ kotar Wesley Goatley thay pe agor festingyem eDJ, artistenca thay autorea D.R.E.E.A.. Sine but shukar te arakhape abokar manushenca, ulava ideye, thay kerdemen pandar may interesime pe avutne parade!
Pe mashkar, kergyem banerya, gndingyem vahs demo sloganya, thay but mahatno, o moderipe thay formulingyem amaro kontributi vash demo. Kotar „AMEN SIYEM AKATE!“ David Paraschiv thay Estera Elisa Paraschiv sine prezentune ko paradako kombi sar moderipasko duo.
O duy amalinde pashutne kampanyake manshen pe phiripe e Memorialipaske e \romengo thay SInti ani Evropa mudarde talo Nacionaluno Socializmo ano Volksbühne am Rosa-Luxemburg-Platz ko 8-to aprili. E kulminacia e zorale, korkore-jande paradako sine o performativuno reanavipe e thanesko sar Roma-Luxemburg-Platz, kova sine interesantuno specialipea vash qhavore thay terne manusha kotar verver romane komunitetya.
Alo so reslem ko Volksbühne, gelem ani paliskena e Grüner Salon thay palo od va ani scena. Akava amalisalo shay phena kotar may zorali performansa e ternenga grupako e \forum Khelipea e som anavea „AMEN SIYEM AKATE!“ anglo teatresko hodniko.
Pharipea shungyum o aplauzi asr o sebepi e avazesko e romana himnako „Djelem Djelem“ palo odova gelem ko Maxim Gorki Teatro vash o koncerti e Romnja rap band kotar Srbia „Pretty Loud“.
Savo dive! Savi energia! Kerelamen may zorale thay kerelamen te manga te kera maybut! Aqhon amenca!
