Terne – WIR SIND HIER!

AMEN SIYEM AKATE! ko „Peer Loaded“ Ternengi konferencia ano Görlitz

WirSindHierAdmin — Fri, 22 Jul 2022 14:41:00 +0000

Ko angluno vikendi e Yulesko 2022, amari ternengi grupa „Amen Siyem Akate!“ dromingya ko Görlitz ano Saksonia thay lela kotor pe anglun konferencia e Saxon ternenge – proyektengo.

Talo anav „Pherde terne“, dedikime terne manusha kotar o sah rashtre ule khetane, penjardile yekhe yaverea thay lele kotor pe verver uorkshopya.

Update (09/30/2022):

WIR SIND HIER! auf „Peer Loaded“ in Görlitz

Desar e temengo sar si na kamipe, hohavne informacie, thay civiluno inkuraipe, sine vi shukar dikhlarde janglaripaske uorkshopya mamuy anticiganizmo kotar „Amen Siyem Akate“.

E grupa shay resti ko but terne trenerya ani Saksonia prekal buderi metode, ekspertize thay shukar doza e humoreski vazdingya o janglaripe vash lugyardi thay buderi niveleski doskriminacia mamuy o Sinti thay Roma*.

Desar e inputesko kotar e grupa, o beshipe ano Görlitz pe ayni vaht vastisalo intenzivno vash keripe rafin e lokal ternenge proyektenca.

Shukar vikendi agorisalo e koncertea kotar Brass Riot kota o Berlini ani purani fabrika Rabryka. Palo astardo vikendi, shay khelgyem sah e lugi rat.

Akalea nays kera e ekipake „Peer Loaded“, E Sakson Ternenga Fondaciake, RAA Saxoniake thay sah terne mansuhengi vash shukar vahti.

Siyem bahtale te ava popale thay shukar ajukera te dikhatumen popale!

Amaro peer trenerengo treningo

WirSindHierAdmin — Mon, 19 Apr 2021 13:31:29 +0000

So shubgyola thay hramingyola sar zagonetka si kompleksuno, yekh bershun programi vash amare terne manusha, kote on lena sahastardo treningo sar terne trenerya. Vash te theren shaipe te den vorkshopya pe anticiganizmo olenge amalenge ani skola thay ternenge lokyaripya may dosna, on musay te siklon akala sheya pe terne bersha. Na si mahatno te theren teoretikuno thay legaluno janipe pe puqipe thay te penjaren verve rnivelya e diskriminaciako, numay vi kovle janipya sar si argumentacia, konfliktesko menajipe grupako moderipe thay phiravipe. Penjaripe e hohavne informaciengo thay siklipaske alatya vash suksesun komunikipe si mahatne komponente vash olengo peer trenerengo treningo.

Desar akalestar, si mahatno vash amenge kay o prospektivune peer trenerya te evolvirinen olenge edukipaske alatya ano treningo thay te ovelolen shaipe te praktikinen kana o “qaquno shey” shrdla. Ayeka, amaro treningo si dizaynimo kotar e grupa e eksperiencime treenrengi palo buderi diskusie e amare ternen manushenca.

But usharape akaleske!

Ko vahti e pandemiako, diklem kay si mahatn te kreiringyon online shaipya vash amare terne grupe. Odoleske, yekhatar irisale me online workshopi. Sar e oktobrestar 2020, amare vorkshopya adikargyem ekskluzivno online. Palo sah, nisar nashti te na phena kay online vorkshopya rodna varesavi infrastruktura sar laptopi thay shukar internet. Akava si e sebepestar kay disave online alatya kola si popularune te vastingyon ko online vorkshipya nashti te operingyon kotar telefoni ose tableti. Bash sar ani skola, akava dikha sar maybaro pharipe vash te lelpe kotor shukaripea ko online ovipya. Vash disave amare kotorleyutne, amen kergyem olenge shayutno kay daykhver te vastinen e infrastruktura ko amare odisha. Daykh ver, vash te na vastinen publikuno transporti, amen putergyem ini amare khera vash disave individualune kotorleyutne. Amen dikha kobar si angazhime amare terne grupe ko vorkshopya, sar on bayrona khetane sar grupa, thay sar o zoralipe literalno ovela anglo amare akya. Sar ekipa, na manga kay akava dedikipe te perel. Desar e pandemiatar, lugyara vorkshopenca thay o terne mangena te ovelolen vorkshopya kola shay ovna ani varesavi forma so shay shrdla ko avutno skolako bersh 21/22 online ose offline… preferingyola OFFLINE!

Rafinake keripasko phiripe ko Dresden

WirSindHierAdmin — Sun, 20 Sep 2020 13:48:24 +0000

Amaro WSH proyekti sile resipe te ovel aktivuno ko rashtre e Berlin, Brandenburg thay Saxony thay te temelingyon ternenge grupe ko akala thana. Sar o buhlaripe e pandemiako ko shrd e amare proyektesko, na sinemen shaipe vash yekh vahti te phira ko yaver federalune rashtre vash te arakhape e terne grupenca thay te dikha save forcenca shay te ledeina. Numay yekhaatr so dendilo amenge shaipe, droningyem e terna grupa kotar o Berlini ko Dresden.

Ano Dresden arakhlempe disave romane ternenca thay aktivistenca thay vakergyem olenca vash amare resipya thay mangipya phanglo o proyekti. Sine but shukarno vakeripe! Desar akalestar siemens haipe te dikha e laqi diz e Dresdeneski, so sine sar bonusi. Qaqipea but manga te vazda tumare terne grupe ani Saksonia. Pakyavipea te ovelmens haipe te kera ayeka dromipe thay te lugyara e rafin mashkar o grupe.

Rafinako kedipe ano Eberswalde

WirSindHierAdmin — Fri, 28 Feb 2020 18:42:57 +0000

Avdive siyem ano Eberswalde – som amara shukar ternenga grupa kotar o Berlini thay Merle, kola si gorodne vash amari Brandeburg grupa. Skate arakhlempe pandar duy yaver romane ternenca thay vakergyem vash shayutni ternengi grupa ano Brandenburg.

Mayangle ayeka kedipe na sine shayutno sar o sebepi e pandemiako. Sah ji e samay si shukar thay na ka ovel varesavi izlacia, manga sine te lugyarate organizina ayeka rafinake keripaske kedipyengo. May shukar drom te vakera si manush pe manush! Ko sig avutnipe ka ovel klaro te sine kay thay sar ka lugyara amare Brandenburg ternengi grupa. Te sine kay jivdinena ano Brandenburg thay janena interesime terne manushen kola si roma ose silen eksperienca e raciztuna diskriminacia kola mangena sine te len treningo vash terne trenerya recipes kay pe avipe te shay te raportinen vash anticiganizmo ko edukipaske institucie, kontaktinen amen!