Brandenburg RO – WIR SIND HIER!

Potsdam: Kheruno khelipe vash o dedikime

WirSindHierAdmin — Mon, 28 Mar 2022 12:26:00 +0000

E ternengi grupa „AMEN SIYEM AKATE!“ arakhlili e amalenca kotar Fanprojekt Babelsberg ko Karl Liebknecht Stadium.

Die Jugendgruppe „WIR SIND HIER!“ zu Gast bei Fanprojekt Babelsberg. Foto ©: Alexander ‚Ali‘ Rönisch

Fanprojekt Babelsberg marlape mamuy e diskriminacia thay mamuy racizmo. Odoleske sine numay phanglo vahtea kana amen ka vizitina olen. Palo tikne preliminarune diskusie, arakhlepme disave aktivistenca kotar Fanprojekt Babelsberg ko SV Babelsberg kheruno khelipe mamuy VfB Auerbach ko Karl Liebknecht Stadium. Prezentingyem amaro workshop koncepti e Babelsberg fan proyektesko thay disave olenge „Diversiteti si Zoralipe“ koordinatorya, yaveringyem ideye vash amari anti-racistuni buti thay vakergyem vash anti-ciganizmeske ideye ano amalipe.

Palo odova, kergyem cheer vash o ekipe ko futbalesko tereni, khargyem e Babelsberg fan project ani amari teatraluni performansa pe yaver dive, thay kergyem planya vash avipe khetane.

Sine shukar thay inspiripasko kedipe thay ajukera vash o avutno yaveripe olenca ano Fanprojekt Babelsberg!

Amaro peer trenerengo treningo

WirSindHierAdmin — Mon, 19 Apr 2021 13:31:29 +0000

So shubgyola thay hramingyola sar zagonetka si kompleksuno, yekh bershun programi vash amare terne manusha, kote on lena sahastardo treningo sar terne trenerya. Vash te theren shaipe te den vorkshopya pe anticiganizmo olenge amalenge ani skola thay ternenge lokyaripya may dosna, on musay te siklon akala sheya pe terne bersha. Na si mahatno te theren teoretikuno thay legaluno janipe pe puqipe thay te penjaren verve rnivelya e diskriminaciako, numay vi kovle janipya sar si argumentacia, konfliktesko menajipe grupako moderipe thay phiravipe. Penjaripe e hohavne informaciengo thay siklipaske alatya vash suksesun komunikipe si mahatne komponente vash olengo peer trenerengo treningo.

Desar akalestar, si mahatno vash amenge kay o prospektivune peer trenerya te evolvirinen olenge edukipaske alatya ano treningo thay te ovelolen shaipe te praktikinen kana o “qaquno shey” shrdla. Ayeka, amaro treningo si dizaynimo kotar e grupa e eksperiencime treenrengi palo buderi diskusie e amare ternen manushenca.

But usharape akaleske!

Ko vahti e pandemiako, diklem kay si mahatn te kreiringyon online shaipya vash amare terne grupe. Odoleske, yekhatar irisale me online workshopi. Sar e oktobrestar 2020, amare vorkshopya adikargyem ekskluzivno online. Palo sah, nisar nashti te na phena kay online vorkshopya rodna varesavi infrastruktura sar laptopi thay shukar internet. Akava si e sebepestar kay disave online alatya kola si popularune te vastingyon ko online vorkshipya nashti te operingyon kotar telefoni ose tableti. Bash sar ani skola, akava dikha sar maybaro pharipe vash te lelpe kotor shukaripea ko online ovipya. Vash disave amare kotorleyutne, amen kergyem olenge shayutno kay daykhver te vastinen e infrastruktura ko amare odisha. Daykh ver, vash te na vastinen publikuno transporti, amen putergyem ini amare khera vash disave individualune kotorleyutne. Amen dikha kobar si angazhime amare terne grupe ko vorkshopya, sar on bayrona khetane sar grupa, thay sar o zoralipe literalno ovela anglo amare akya. Sar ekipa, na manga kay akava dedikipe te perel. Desar e pandemiatar, lugyara vorkshopenca thay o terne mangena te ovelolen vorkshopya kola shay ovna ani varesavi forma so shay shrdla ko avutno skolako bersh 21/22 online ose offline… preferingyola OFFLINE!

Adventi, adventi, hari dudi thablola…

WirSindHierAdmin — Mon, 28 Dec 2020 13:38:32 +0000

Akala dive si harne, e samay si but shudri. E pandemia kerala may komplikimi akaya kali sezona…numay palo adventi avla Krequno thay amari ekipa si terni thay motivimi O terne mangena te keren diso kreativuno so pe ayni vaht dela informacia. Shungyola sar amaro edukipasko drom!

Avri e grupatar, kreirisalo adventesko kalendari mamuy anticiganizmo, so mekhela puterdo o tikno vudar sakova dive – kotar A pe Z. E kampanya, koya uli instagram hiti pe olako vahti. Shay te dikhyol ko akava link…. akaya ver na manglape te ajukeren vash avutno dive:

Sieh dir diesen Beitrag auf Instagram an

Ein Beitrag geteilt von RomaTrial (@romatrial)

Amen siyem akate! Kote siyen tumen!

WirSindHierAdmin — Sat, 12 Sep 2020 14:05:37 +0000

Ko ternengo ventro Dosto ano Bernau, amari ternengi grupa kotar o Berlini qhivde teatraluni performansa sar kotor e mashkarkultiralune kurkesko, kola amen manga sine te inkorporina sar sikavipasko alati ko amaro proyekti. Palo intensivune probe, o terne manusha, som amare phiravnea thay eksperiencime direktorea Hamze Bytyqi konceptinde yekh khelipe kote e grupa vakerla vash olengi eksperienca e diskriminaci.

O khelpe pe ayni vaht sikavla o ovipe e e anglue ROmane kongresesko anglo 50 bersh thay o rezolucie kola andile odote, sar vi teatralipea demonstrinla o lugyaripe e anticiganizmesko. Pali performansa, sine disave puqipya kote o terne vakerde vash o proyekti thay vash o verver realitetya e romane jivdipyengo. Shay te dikehn o video e khelipasko ko akava facebook link.

Theater play „We are here! Where are you?“ from 12th of September 2020

Rafinako kedipe ano Eberswalde

WirSindHierAdmin — Fri, 28 Feb 2020 18:42:57 +0000

Avdive siyem ano Eberswalde – som amara shukar ternenga grupa kotar o Berlini thay Merle, kola si gorodne vash amari Brandeburg grupa. Skate arakhlempe pandar duy yaver romane ternenca thay vakergyem vash shayutni ternengi grupa ano Brandenburg.

Mayangle ayeka kedipe na sine shayutno sar o sebepi e pandemiako. Sah ji e samay si shukar thay na ka ovel varesavi izlacia, manga sine te lugyarate organizina ayeka rafinake keripaske kedipyengo. May shukar drom te vakera si manush pe manush! Ko sig avutnipe ka ovel klaro te sine kay thay sar ka lugyara amare Brandenburg ternengi grupa. Te sine kay jivdinena ano Brandenburg thay janena interesime terne manushen kola si roma ose silen eksperienca e raciztuna diskriminacia kola mangena sine te len treningo vash terne trenerya recipes kay pe avipe te shay te raportinen vash anticiganizmo ko edukipaske institucie, kontaktinen amen!